Кыргыз Республикасынын Билим берүү жана илим министрлиги
МААЛЫМДАЙТ
мастер-тренерлерди тандоо боюнча сынак тууралуу

Билим берүү системасын трансформациялоо иш-чараларын ишке ашыруунун алкагында, анын ичинде мектептик билим берүүнүн 12 жылдык түзүмүнө өтүү боюнча, Кыргыз Республикасынын Билим берүү жана илим министрлиги төмөнкү багыттар боюнча мастер-тренерлерди тандоо боюнча сынак жарыялайт:

• Математика
• Табият таануу

Тандоонун максаты – жаңы билим берүү стандарттарын жана программаларын эл аралык ыкмаларга жана талаптарга ылайык ишке киргизүү шартында мугалимдерди сапаттуу даярдоо үчүн улуттук тренерлердин командасын түзүү.

Документтерди тапшыруу мөөнөтү – 2025-жылдын 24-майына 18.00 чейин

Конкурска катышуу үчүн төмөнкү документтер талап кылынат:

1. Резюме, анда төмөнкү маалыматтар болушу керек:

• Толук аты-жөнү;
• Ээлеген кызмат орду жана иштеген жери;
• Байланыш маалыматтары (телефон номери, электрондук почта);
• Чоң адамдардан турган аудиторияны окутуу жаатындагы кесиптик тажрыйба жөнүндө кыскача маалымат, анын ичинде:
  • • Ишке ашырылган билим берүү программалары/долбоорлору;
    • Окутулган топтор (мисалы, STEM сабактарынын окутуучулары ж.б.);
    • Өткөрүлгөн тренингдердин узактыгы жана тематикасы.

2. Тастыктоочу документтер:

• Квалификацияны жогорулатуу курстарынан өткөндүгү тууралуу сертификаттар;
• Мастер-тренер күбөлүгү (эгер бар болсо).

Тандоо критерийлери:

• Педагогика же тектеш тармактар боюнча жогорку билим;
• Билим берүү системасында иш тажрыйбасы;
• Чоңдор үчүн тренингдерди жана курстарды өткөрүү боюнча 3 жылдан кем эмес тастыкталган тажрыйба (сертификаттар, сунуштама каттар);
• STEM сабактарынын мугалимдерин окутуу тажрыйбасы;
• Улуттук же эл аралык билим берүү долбоорлоруна катышуу;
• Командада иштей билүү;
• Кыргыз жана орус тилдерин мыкты билүү (эки тилди тең билүү артыкчылык болуп эсептелет);
• Компьютерде иштей билүү, Microsoft Office программаларын жакшы өздөштүргөндүгү.

Бардык документтер төмөнкү дарекке жөнөтүлүшү керек: konkursmt2025@gmail.com же жекече түрдө төмөнкү дарекке тапшырууга болот: Широкая көчө 1Б, 211-кабинет, Окуу бөлүмү.