Кыргыз Республикасынын Билим берүү жана илим министрлиги билим берүү жаатында иштеген кызматкерлер үчүн 2024-жылдын 30-31-октябрында Бишкек шаарында аккредитациялык агенттиктердин ишмердүүлүгүн баалоого эксперттерди даярдоо семинарын өткөрөт.

Семинардын максаты:

Билим берүү чөйрөсүндөгү аккредитациялык агенттиктердин ишмердүүлүгүн баалоого эксперттерди даярдоо, билим деңгээлин жогорулатуу жана сертификаттоо болуп саналат.

2025-жылдын 1-январынан тартып агенттиктердин ишмердүүлүгүн баалоого сертификатталган гана эксперттер тартылат.

Семинарга катышуучуга коюлуучу талаптар:

- Кыргыз Республикасынын жараны;

- мамлекеттик тилди билүү;

- жогорку кесиптик билими бар.

Иш тажрыйбасы:

• Билим берүү чөйрөсүндө 5 жылдан кем эмес иш тажрыйбасы (окуу жайдын сапатты камсыздоо жана окуу бөлүмдөрүндө, жетекчилик кызматтарда жана укук-ченемдик актылар менен иштегендер).

Семинарга төмөнкүлөр катыша албайт:

- аккредитациялык агенттиктин уюштуруучусу;

- аккредитациялык агенттикте кандайдыр бир ишти жүзөгө ашыруучу киши;

- аккредитациялык агенттиктердин администрациясы жана кызматкерлери менен жакын туугандык мамилелери бар адам;

Семинарга катышуу үчүн төмөнкү документтер тапшырылат:

Семинарга катышуу үчүн документтер төмөнкүдөй ырааттуулук менен тапшырылышы зарыл:

- арыз;

- резюме;

- паспорттун, билими тууралуу дипломдун жана эмгек китепчесинин көчүрмөлөрү.

Эскертүү: Документтер PDF форматта, толук жана сапаттуу болуусу шарт.

Семинарга катышуучусу арызды жана ага тиркелген документтерди мамлекеттик тилде электрондук почталар: edu@mail.gov.kg же minedukg@gmail.com аркылуу жөнөтөт.

Документтерди кабыл алуу мөөнөтү: 2024-жылдын 3-октябрынан тартып 2024-жылдын 25-октябры саат 18.00го чейин.

Байланыш телефону: (0312) 66-22-87; 0-550-110-378 (чалуу 9:00 – 18:00 чейин гана) .