Кыргыз Республикасынын Билим берүү жана илим министрлиги Улуттук аккредитациялык кеңештин курамына мүчөлөрдү киргизүү үчүн төмөнкү орундарга ачык конкурс жарыялайт:

• билим берүү уюмдарынын ассоциацияларынын өкүлдөрү (кесиптик лицейлердин ассоциациясынан 1 өкүл,  кесиптик орто билим берүү уюмдарынын ассоциацияларынан 1 өкүл, кесиптик жогорку билим берүү уюмдарынын ассоциацияларынан 1 өкүл);
• иш берүүчүлөр ассоциацияларынан 3 өкүл;
• коомдук институттардын 2 өкүлү.

Конкурска катышуучуга коюлуучу талаптар:

- Кыргыз Республикасынын жараны;

- мамлекеттик тилди билүү;

- жогорку кесиптик билими бар. 

 Иш тажрыйбасы:

• билим берүү уюмдарынын ассоциацияларынын өкүлдөрү үчүн билим берүү чөйрөсүндө 10 жылдан кем эмес иш тажрыйбасы;
• иш берүүчүлөрдүн ассоциацияларынын жана коомдук институттардын өкүлдөрү үчүн кесиптик уюмдарда же тармактык структураларда 5 жылдан кем эмес иш тажрыйбасы.

Конкурстук тандоого төмөнкүлөр катыша албайт:

- аккредитациялык агенттиктин уюштуруучулары;

- аккредитациялык агенттикте кандайдыр бир ишти жүзөгө ашыруучу киши;

- аккредитациялык агенттиктердин администрациясы жана кызматкерлери менен жакын туугандык мамилелери бар киши;

- билим берүү уюмунун жетекчиси.

Конкурстук тандоого катышуу үчүн төмөнкү документтер тапшырылат:

Тандоого катышуу үчүн документтер төмөнкүдөй тапшырылышы зарыл.

-   арыз;

- резюме;

- паспорттун, билими тууралуу дипломдун жана эмгек китепчесинин көчүрмөлөрү;

- иш берүүчүлөрдүн ассоциацияларынын, билим берүү уюмдарынын ассоциацияларынын жана коомдук институттардын жетекчилеринин сунуштамасы.

Конкурстун катышуучусу арызды жана ага тиркелген документтерди мамлекеттик тилде электрондук почта minedukg@gmail.com; http://www.kattar.kg/ru/treatment-of-citizens.html;   https://portal.tunduk.kg;  аркылуу  жөнөтөт. PDF форматта

Документтерди кабыл алуу мөөнөтү: 2024-жылдын 13-июнунан тартып 2024-жылдын 12-июлу саат 18.00 чейин.

Байланыш телефону: (0312) 66-22-87 \ 0550110378 (чалуу 9:00 – 18:00 чейин)