Кыргыз Республикасынын Билим берүү жана илим министрлигинин 2022-жылдын 5-апрелиндеги №545/1 буйругунун негизинде Билим берүү жана илим министрлиги Талас районундагы Аз камсыз болгон үй-бүлөлөрдүн зээндүү балдары үчүн Ш. Жумагулов атындагы «Манас» интернат-лицейине жана Бакай-Ата районундагы Жетим балдар жана ата-энелеринен көзөмөлчүлүгүсүз калган балдар үчүн Чалдовар жатак-мектебине директорлук бош кызмат орундарына конкурс жарыялайт.

    Бул сынактын максаты — билим берүү тармагында зарыл болгон компетенцияларга ээ, жогорку башкаруучулук сапаттарга ээ, тиешелүү башкаруу тажрыйбасы же адистиги боюнча жалпы билим берүү уюмунда иш тажрыйбасы бар адамдарды конкурстук альтернативдик негизде тандоо.

    Сиздердин назарыңыздарга бул сынактын убактылуу жобосун сунуштайбыз.

    Конкурска катышуу үчүн документтердин электрондук көчүрмөсүн konkurs.kg.2022@gmail.com электрондук почтасына  жөнөтүү керек.