• Түзүмдүк бөлүктөрдүн жана ведомстволук уюмдардын жаңылыктары

• Борбордук аппарат(137)
• Илим жана инновациялар башкармалыгы(67)
• Жогорку, орто кесиптик жана жогорку окуу жайдан кийинки билим берүү башкармалыгы(23)
• Башталгыч кесиптик билим берүү башкармалыгы(75)
• Мектептик, мектептен тышкаркы жана кошумча билим берүү башкармалыгы(98)
• Мектепке чейинки билим берүү башкармалыгы(26)
• Бюджеттик саясат жана финансылык анализ башкармалыгы(2)
• Инвестициялар, мамлекеттик-жеке өнөктөштүк, мамлекеттик сатып алуулар жана инфраструктура башкармалыгы(3)
• Аккредитация жана сапатты баалоо бөлүмү(14)
• Бухгалтердик эсеп жана отчёттуулук бөлүмү(0)
• Документтик камсыз кылуу жана контролдоо бөлүмү(0)
• Маалыматтык саясат бөлүмү(1664)
• Эл аралык кызматташтык бөлүмү(69)
• Мониторинг, стратегиялык пландоо жана мамлекеттик программаларды талдоо бөлүмү(2)
• Укуктук камсыз кылуу бөлүмү(4)
• Адам ресурстарын башкаруу бөлүмү(41)
• Санариптик трансформация бөлүмү(3)
• Лицензиялоо сектору(0)
• Уюштуруу жана тарбиялоо иши боюнча сектору(3)
• Мамлекеттик тилди өнүктүрүү сектору(29)
• Борборлоштурулган бухгалтерия(0)
• Кыргыз билим берүү академиясы(34)
• Национальный центр оценки качества образования и информационных технологий(10)
• Педагогикалык кызматкерлердин квалификациясын жогорулатуу жана кайра даярдоо республикалык институту(31)
• Республикалык дене тарбия, спорт жана маданият боюнча усулдук борбору(58)
• Республиканский научно-методический центр(66)
• “Санарип билим берүү борбору” мамлекеттик мекемеси(0)
• Көз карандысыз сертификациялоо жана валидациялоо борбору(10)
• «Кут билим» медиа борбору(0)
• Дүйнөлүк банктын долбоорлорун ишке ашыруу бөлүмү(73)
• Секторду өнүктүрүү программасы: Инклюзивдик өнүгүү үчүн көндүмдөр(77)
• "Секторду өнүктүрүү программасы: мектептик билим берүүнү реформалоо" долбоору(5)
• «Кыргыз Республикасында билим берүү тармагын колдоо» долбоору(27)
• "Кыргыз Республикасындагы мектептик билим берүү чөйрөсүнүн коопсуздугун каржылоо механизмдерин өнүктүрүү" долбоору(0)
• «Алтын түйүн» улуттук балдар инженердик-техникалык академиясы(0)
• «Сейтек» балдар жана өспүрүмдөр улуттук борбору(0)
• Республикалык балдардын жана өспүрүмдөрдүн экология, аймак таануу жана туризм борбору(0)
• «Санат» ден соолукту чыңдоо борбору(1)
• «Барчын» санатория-профилакториясы(0)
• Аймактар ​​аралык психологиялык, медициналык жана педагогикалык консультация(0)
• Билим берүүдөгү долбоордук демилгелер лабораториясы(1)

БИЛИМ БЕРҮҮ ЖАНА ИЛИМ МИНИСТРЛИГИ “ОКУТУУНУН НЕГИЗДЕРИН БЕКЕМДӨӨ” ДОЛБООРУНУН АКТИВДҮҮ ФАЗАСЫН БАШТАДЫ

Көрүлдү: 630

Билим берүү жана илим министрлиги Дүйнөлүк банктын каржылык колдоосу менен “Окутуунун негиздерин бекемдөө” долбоорун баштады. Долбоор толугу менен Билим берүү боюнча глобалдык өнөктөштүктүн гранттык каражатынын эсебинен ишке ашырылат. Ал мектепке чейинки билим берүү программасы менен камсыздоо төмөн болгон айыл жерлериндеги балдар үчүн мектепке даярдоону кеңейтүүгө багытталган.

Долбоор мектепке чейинки 60 өнүктүрүү борборун (3 сааттык кыска мөөнөттүү бала бакчалар) түзүүнү колдойт. Бул борборлор 3-5 жаш курактагы 3000ден ашуун баланы камтый алат.

Мектепке чейинки өнүктүрүү борборлору төмөндөгүлөр менен камсыздалат:

• эмерек;

• оюн жана өнүгүү үчүн материалдар;

• заманбап балдар аянтчалары;

• айыл өкмөттүн балансындагы мектепке чейинки өнүктүрүү борбору үчүн сунушталган имаратта ден соолугунан мүмкүнчүлүгү чектелген балдар үчүн ылайыкташкан шарттарды түзүү менен, оңдоп-түзөө иштери (муктаждыкка жараша) жүргүзүлөт;

• 3-5 жаш курактагы балдарга ыңгайлашкан санитардык-гигиеналык шарттар түзүлөт.

Учурда министрлик өнүктүрүү борборлорун түзүү боюнча жергиликтүү бийлик органдарынан өтүнмөлөрдү кабыл алып жатат. Бала бакчанын мындай форматы экономикалык жактан пайдалуу жана салттуу бала бакчага караганда чыгымы аз. Себеби, кыска мөөнөттүү бакчалар - бала бакчалар жетишсиз аймактарда, өзгөчө айылдарда уюштурулмакчы. Бул үчүн республикалык бюджеттен кошумча каражат бөлүүгө, жаңы бала бакча имаратын курууга зарылчылык жок. Кыска мөөнөттүү бала бакчалардын учурунда жергиликтүү бийлик өз балансындагы же ошол аймактагы пайдаланылбай турган мамлекеттик имаратты (авариялык абалдагы эмес) долбоорго сунуштайт.

Расмий эсептөөлөргө таянсак, мындай бала бакчалар үнөмдүү болот. Мисалы, мамлекет учурда бакчага барган бир жеткинчек үчүн (3-5 жаш) жылына 42 миң сом коротсо, кыска мөөнөттүү бакчада бул сумма болгону 11 миң сомду түзөт.

Мектепке чейинки өнүктүрүү борборлорунда балдарды окутуу - өнүктүрүүнүн, окутуунун жана тарбиялоонун негизги жана кошумча программалары боюнча жүрөт. Ал процессте бакча курагындагы баланын гармониялуу өнүгүшүнө көмөктөшүүчү билим, көндүм жана жөндөмдөр калыптанат. Мындан сырткары, долбоордо ата-энелердин балдарга китеп окуп берүү практикасын ишке ашыруу каралган. Борборлор жаш куракка ылайыкташкан китептер менен камсыздалат жана ата-энелер менен тарбиячыларга методикалык колдонмолор берилет.

Педагогикалык практиканын натыйжалуулугун жогорулатуу максатында балдар менен иштөөнүн заманбап практикасы боюнча тренингдер өткөрүлөт.

Долбоордун алкагында ченемдик каржылоону киргизүү аркылуу мектепке чейинки билим берүүнүн тең жеткиликтүүлүгүн камсыздоого жана мамлекеттик жеке-өнөктөштүк механизмдерин кеңейтүү жана ишке ашыруу үчүн техникалык колдоо каржыланат.

Мындан сырткары, мектепке чейинки курактагы балдардын билимин, өнүгүүсүн баалоо жана мониторингди жакшыртуу максатында балдардын эрте өнүгүшүн өлчөөнүн улуттук куралын колдонуу жайылтылат. Бул балдардын өнүгүүсүндөгү тенденциялар жөнүндө жана мектепке чейинки билим берүүдөгү реформалардын эффективдүүлүгү тууралуу так маалыматтарды алууга мүмкүндүк берет.

Ошондой эле, Кыргызстанда биринчи жолу «Мектепке чейинки курактагы балдардын өнүгүүсүн баалоо боюнча улуттук тандалма изилдөөсү» өткөрүлөт жана мындан ары ал үзгүлтүксүз уюштурулуп турат.

Дүйнөлүк банктын долбоорлорун ишке ашыруу жана көзөмөлдөө бөлүмү. 

Бөлүшүңүз