2025-ЖЫЛГА КАРАТА ПАКИСТАНДЫН ИНЖЕНЕРИЯ ЖАНА ПРИКЛАДДЫК ИЛИМДЕР ИНСТИТУТУНА (PIEAS) КАБЫЛ АЛУУ

Автор: Маалыматтык саясат бөлүмү

13 Май 2025 ж. 12:53

Көрүлдү: 421

Пакистан Ислам Республикасынын Элчилиги 2025-жылдын күзгү семестри үчүн чет өлкөлүк студенттерди өлкөнүн алдыңкы техникалык жогорку окуу жайларынын бири — Пакистан Инженерия жана Прикладдык Илимдер Институтуна (PIEAS) кабыл алуу жүрүп жатканын маалымдайт.

Чет өлкөлүк студенттер үчүн мүмкүнчүлүктөр:

PIEAS чет өлкөлүк талапкерлерге толук каржыланган стипендиялык программаларды сунуштайт. Программалар бакалавриат, магистратура жана докторантура деңгээлдеринде жеткиликтүү.

Стипендия төмөнкү чыгымдарды жабат:

Эконом-класстагы авиабилет – бир жолу;

Университетке баштапкы төлөмдөрдөн толук бошотуу;

Ар бир семестр үчүн төлөмдөрдөн (окуу акысы кошо) толук бошотуу;

Чектелген медициналык камсыздандыруу (ооруканалык дарылоо);
(кош бойлуулук, стоматология жана өнөкөт оорулар камтылбайт);

Үй-бүлөлүү студенттер үчүн бир жолку туугандар менен жолугушууну колдоо;

Айлык стипендия:

Бакалавриат — 50 000 PKR

Магистратура — 55 000 PKR

Докторантура — 65 000 PKR

Постдокторантура — 130 000 PKR (1 жылга)

Стипендиянын узактыгы:

Бакалавриат – 4 жылга чейин

Магистратура – 2 жылга чейин

Докторантура – 4 жылга чейин

Постдокторантура – 1 жыл

Документтерди тапшыруу мөөнөттөрү:

Докторантура – каалаган семестрде тапшырууга болот;

Жазгы семестр (январь–май) – магистратура үчүн сунушталат;

Күзгү семестр (сентябрь–январь) – бакалавриат үчүн сунушталат.

Жашоо шарттары:

Чет өлкөлүк студенттер PIEAS университетинин жатаканасында жашай алышат. Жатакана, тамак-аш, коммуналдык кызматтар, кир жуу жана башка жеке чыгымдар студенттин өз эсебинен төлөнөт.

Сунуш: Окуу семестри башталганга чейин кеминде 5–6 ай мурда документтерди тапшыруу сунушталат.

Байланыш: PIEAS эл аралык студенттер бөлүмү:
international.students@pieas.edu.pk 

📎 Толук маалыматты бул жерден жүктөп алсаңыз болот

Бөлүшүңүз