2029-ЖЫЛГА ЧЕЙИН МЕКТЕПКЕ ЧЕЙИНКИ БИЛИМ БЕРҮҮ БОЮНЧА 300 ЖАҢЫ МАТЕРИАЛ ИШТЕЛИП ЧЫГАТ

Автор: Маалыматтык саясат сектору (МСС)

17 Сентябрь 2026 ж. 17:10

Көрүлдү: 130

Бүгүн, 17-сентябрда, Кыргыз Республикасынын Агартуу министрлигинде мектепке чейинки билим берүү материалдарына жүргүзүлгөн функционалдык талдоонун жыйынтыктары тааныштырылды.

Талдоо SMART-ED ISDB/ISFD/GPE долбоорунун алкагында жүргүзүлдү. Долбоор Агартуу министрлиги тарабынан Ислам өнүктүрүү банкынын, Билим берүү боюнча глобалдык өнөктөштүктүн жана ЮНИСЕФтин колдоосу менен 2025–2029-жылдары ишке ашырылууда.

Талдоонун жүрүшүндө колдонуудагы материалдар бирдиктүү реестрге топтолуп, алардын күчтүү жактары жана жетишпестиктери аныкталды.

Жыйынтыгында 1 жаштан 6 жашка чейинки балдар, тарбиячылар жана ата-энелер үчүн компетенттүүлүккө багытталган 300 инновациялык материалды иштеп чыгуу боюнча сунуштар даярдалды.

"Жаңы материалдар кагаз түрүндө гана эмес, санариптик, аудио жана видео форматтарда да даярдалышы керек. Алар ата-энелерге жана педагогдорго балдардын практикалык көндүмдөрүн эрте курактан өнүктүрүүгө жардам берет", — деди Мектепке чейинки билим берүү башкармалыгынын башчысы Нурзида Касымова.

Бөлүшүңүз