ЖАЛПЫ БИЛИМ БЕРҮҮ УЮМДАРЫНЫН МУГАЛИМДЕРИНИН ОКУУ ЖҮКТӨМҮ БОЮНЧА РАСМИЙ ТҮШҮНДҮРМӨ

Автор: Маалыматтык саясат сектору (МСС)

5 Август 2026 ж. 15:34

Көрүлдү: 581

Кыргыз Республикасынын Агартуу министрлиги жалпы билим берүү уюмдарынын мугалимдеринин окуу жүктөмүнө байланыштуу төмөнкүлөрдү маалымдайт.

🔹Эмгек акынын бир ставкасына белгиленген окуу жүктөмү:

• 1–4-класстарда – жумасына 16 саат;
• 5–11-класстарда – жумасына 18 саат.

🔹 Мугалимдин максималдуу окуу жүктөмү:

• 1–4-класстарда – жумасына 24 сааттан;
• 5–11-класстарда – жумасына 27 сааттан ашпоого тийиш.

🔹 Убактылуу алмашып сабак берүү

Мугалим убактылуу жок болгон учурда (ооруп калган, кош бойлуулук жана төрөт боюнча же бала багуу боюнча өргүүдө болгон учурда) анын сабактарын башка мугалим алмаштыра алат.

Алмашып берилген сабактар үчүн төлөм 4 айдан ашык эмес мөөнөткө жүргүзүлөт. Көрсөтүлгөн мөөнөт аяктагандан кийин алмашып берилген окуу сааттары тарификациялык тизмеге кайра киргизилет.

Мында мугалимдин жалпы окуу жүктөмү төмөнкү чектен ашпоого тийиш:

• 1–4-класстарда – жумасына 32 сааттан;
• 5–11-класстарда – жумасына 36 сааттан.

Бөлүшүңүз