КЫРГЫЗСТАНДЫН КУРАМА КОМАНДАСЫ БАЛКАН МАТЕМАТИКАЛЫК ОЛИМПИАДАСЫНДА 2 КОЛО МЕДАЛЬ ЖАНА АРДАК ГРАМОТА ЖЕҢИП АЛДЫ

Автор: Маалыматтык саясат сектору (МСС)

24 Июнь 2026 ж. 14:17

Көрүлдү: 322

Кыргызстандын курама командасы өспүрүмдөр арасындагы 30-балкан математикалык олимпиадасында (Junior Balkan Mathematical Olympiad, JBMO) 2 коло медаль жана 1 ардак грамота жеңип алды.

Аталган олимпиада 2026-жылдын 15–20-июнь күндөрү Румыниянын Бузэу шаарында өтүп, ага 23 өлкөдөн 138 окуучу катышты.

Олимпиаданын жыйынтыгында:

• Жаратов Нурмухаммед, Бишкек шаарындагы «Маариф» билим берүү комплексинин 8-классынын окуучусу — коло медаль;
• Яголковский Артем, Бишкек шаарындагы «Газпром Кыргызстан» мектебинин 7-классынын окуучусу — коло медаль;
• Ахунбоев Алихан, Чолпон-Ата шаарындагы «Акылман» президенттик лицейинин 8-классынын окуучусу — ардак грамота.

Ошондой эле Кыргызстандын курама командасынын курамында төмөнкү окуучулар катышты:

• Турганбеков Артык, Бишкек шаарындагы №61 орто мектептин 8-классынын окуучусу;
• Камчыбеков Бекжан, Бишкек шаарындагы №61 орто мектептин 8-классынын окуучусу;
• Исаков Сапар, Бишкек шаарындагы “Келечек лидерлер мектебинин” 8-классынын окуучусу.

Команданын жетекчилери — Эрлан Молдошев жана Бактияр Сарчаев, ал эми машыктыруучулары — Мамат Ишматов жана Бекжол Жолдубай уулу.

Улуттук курама команданын курамы мектеп окуучуларынын улуттук олимпиадасынын жана Эйлер атындагы олимпиаданын жыйынтыктарынын негизинде түзүлгөн.

Өспүрүмдөр арасындагы Балкан математикалык олимпиадасы 1997-жылдан бери жыл сайын өткөрүлүп келет. Кыргыз Республикасы бул олимпиадага 2015-жылдан тартып катышып келет.

Бөлүшүңүз