МУГАЛИМДЕР МЕКТЕПТЕГИ ОҢДОП-ТҮЗӨӨ ИШТЕРИНЕ ТАРТЫЛБАЙТ

Автор: Маалыматтык саясат сектору (МСС)

22 Май 2026 ж. 12:42

Көрүлдү: 552

Кыргыз Республикасынын Агартуу министрлиги билим берүү уюмдарынын педагогикалык кызматкерлерин оңдоп-түзөө иштерине, өзгөчө жайкы эс алуу мезгилинде тартууга тыюу салынарын билдирет.

2025–2026-окуу жылында республикалык бюджеттен мектептерди утурумдук оңдоп-түзөө иштерине 404 млн сом каралган. Буга чейин каражат негизинен курулуш материалдарын жана товарларды сатып алууга бөлүнүп келсе, эми утурумдук оңдоп-түзөө иштерин аткаруучу кызматтарга да каралган.

Бул багытта министрлик тарабынан бардык аймактык бөлүмдөргө расмий кат жөнөтүлүп, тиешелүү тапшырмалар берилди

Ошондой эле жергиликтүү бийлик өкүлдөрүнө мугалимдерди көчө тазалоо, айлана-чөйрөнү иретке келтирүү, короо шыпыруу жана башка чарбалык иштерге тартууга жол берилбей турганы эскертилет. Мындай аракеттер мыйзам талаптарына каршы келет.

Министрлик мугалимдердин негизги милдети — окуучуларга сапаттуу билим берүү жана окуу-тарбия процессин уюштуруу экенин баса белгилейт.

Бөлүшүңүз