КЫТАЙДЫН СЫЧУАНЬ ПРОВИНЦИЯСЫНДА БИЛИМ АЛУУ ҮЧҮН 2025–2026-ОКУУ ЖЫЛЫНА КЫРГЫЗ ЖАРАНДАРЫН ТАНДОО ЖАРЫЯЛАНДЫ

Автор: Маалыматтык саясат бөлүмү

22 Май 2025 ж. 16:12

Көрүлдү: 427

Кыргыз Республикасынын Билим берүү жана илим министрлиги 2025–2026-окуу жылында Кытай Эл Республикасынын Сычуань провинциясынын жогорку окуу жайларында билим алууга Кыргыз Республикасынын жарандарын конкурстук негизде тандоо башталгандыгы тууралуу жарыялайт.

“Кытай — Борбордук Азия” форматындагы өлкөлөрдүн Тышкы иштер министрлеринин Бешинчи жолугушуусунун жыйынтыктарын ишке ашыруунун алкагында Кытай Эл Республикасынын Сычуань провинциясынын билим берүү уюмдарына 2025-2026-окуу жылына бакалавр,  колледж, стажировка (тил курсттары) программалары боюнча 15 (он беш) өкмөттүк стипендияга конкурс жарыялайт.

Кытай тарап билдиргендей:

1. Бакалавриат программасы боюнча — 5 орун;

2. Колледж программасы (专科生) боюнча — 3 орун (;

3. Стажировка (тилдик курстар) боюнча — 7 орун  каралган.

Бул стипендиялар окуу акысын гана камтыйт. Жатакана, тамак-аш, медициналык камсыздандыруу жана башка кошумча чыгымдар студенттердин өз эсебинен камсыздалат. Ушуга байланыштуу, талапкерлерге стипендия шарттары жана окуу акысынын өлчөмү менен алдын ала жакшылап таанышып чыгуу сунушталат.

Конкурска катышуу үчүн талапкерлер төмөнкү документтерди pdf форматта тапшыруу зарыл:

1. Англис же орус тилдеринде тиркемеде көрсөтүлгөн тандаган билим берүү уюмун,  тандаган багытын (адистигин) жана билим деңгээлин (бакалавр,  колледж, стажировка (тил курсттары))   көрсөтүү менен актуалдуу резюме;
2. Загранпаспортунун көчүрмөсү (тандап алган билим берүү уюмунун талаптарына ылайык жарактуу болушу керек);
3. Англис тилине же кытай тилине которулган жана сөзсүз нотариалдык жактан күбөлөндүрүлгөн билим жөнүндө документин (орто билим жөнүндө аттестат же орто кесиптик билим берүү жөнүндө диплом. Эгерде бүтүрүүчү класстын/курсттун  окуучусу/студенти болсо, бардык чейректеги/семестрдеги окуган дисциплиналарын көрсөтүү менен окууда жетишкендиги тууралуу маалымкаттын/транскриптин) көчүрмөсү;
4. Кытай тилин билүү деңгээлин тастыктаган  күбөлүгү (HSK) (тандап алган билим берүү уюмунун талаптарына ылайык);
5. Англис тилин билүү деңгээлин тастыктаган (TOEFL, IELTS) күбөлүк (тандап алган билим берүү уюмунун талаптарына ылайык);
6. Кытай Эл Республикасына окууга тапшыргандар үчүн медициналык маалымкат (милдеттүү түрдө-тиркелген форма боюнча) (2025-жылдын 1-февралынан эрте эмес берилген маалымкат жарактуу);
7. Соттолбогондугу боюнча маалымкат (2025-жылдын 1-февралынан эрте эмес берилген маалымкат жарактуу).
8. Кытай же англис тилинде окуу планы (study plan) (тандап алган билим берүү уюмунун талаптарына ылайык);
9. Билим берүү уюму тарабынан берилген эки сунуш кат (англис же кытай тилдеринде) (тандап алган билим берүү уюмунун талаптарына ылайык);

1. Талапкерлерди каттоо жана документтерди тапшыруу

Стипендиялык программага катышуу үчүн талапкерлер онлайн режиминде каттоодон өтүшү керек: 

1-кадам. Порталы: https://bilim.gov.kg/ky

2-кадам. Чет өлкөдө билим алууга КР жарандарын кабыл алуу порталы бөлүмү https://student.edu.gov.kg/

3-кадам “2025-2026-окуу жылына Кытай Эл Республикасынын Сычуань провинциясынын Өкмөтүнүн стипендиясы” программасы” графасынын керектүү талааларды толтуруу, ошондой эле бардык талап кылынган документтерди 2025-жылдын 28-майы саат 23:59га (Бишкек убактысы боюнча) чейин жүктөө керек.

Тутумдагы ар бир билим берүү  программасы үчүн каттоо талапкер тандап алган билим деңгээлине (бакалавр,  колледж, стажировка (тил курсттары)) ылайык жүргүзүлөт.

2. Арыздарды кабыл алуу аяктагандан кийин (Бишкек убактысы боюнча)  2025-жылдын 10-июну саат 23:59) бардык келип түшкөн арыздар талаптарга жооп берүү жана бардык керектүү документтердин бар экендиги текшерилет.

Көңүл буруңуз: документтердин толук эмес пакетин камтыган өтүнмөлөр четке кагылат!

3. Көз карандысыз тандоо комиссиясынын жыйынтыгынын негизинде сунушталган 15 талапкердин жалпы тизмеси түзөт.
4. Сунушталган талапкерлердин тизмелерин кытай тарапка жөнөтүү

Көз карандысыз тандоо комиссиясынын жыйынтыгынын негизинде сунушталган талапкерлердин тизмеси кытай тарапка жөнөтүлөт, кытай тарапта акыркы чечимди кабыл алуу укугу калат.

Стипендиялык программага катышуу маселелери боюнча маалыматтар иш күндөрү саат 15:00дөн 17:00гө чейинки +996 (312) 621193 телефондор боюнча берилет.

Кытай Эл Республикасынын Сычуань провинциясынын университеттер боюнча, даярдоо багыттары, кабыл алуу баасы жана шарттары тууралуу маалыматтар орус жана кытай тилдеринде. тиркелет

Тиркеме (Кытай тилинде), Тиркеме (Орус тилинде), 

Баарыңыздарга ийгилик каалайбыз !!!

Бөлүшүңүз