УЛУТТУК ОЛИМПИАДАНЫ ӨТКӨРҮҮ КҮНДӨРҮ БЕЛГИЛЕНДИ

Автор: Маалыматтык саясат бөлүмү

11 Январь 2024 ж. 13:58

Көрүлдү: 7662

Билим берүү жана илим министрлигинин 2023-2024-окуу жылында математика, физика, химия, биология жана информатика предметтери боюнча Улуттук олимпиаданы өткөрүү жөнүндө буйругу бекиди.

Буйрук математика, физика, химия, биология жана информатика предметтери боюнча Эл аралык олимпиадаларга катышуу үчүн Кыргыз Республикасынын командасын түзүү жана даярдоо максатында чыкты.

Олимпиаданын I, II, этаптары онлайн режиминде, III, IV этаптары офлайн режиминде өткөрүлөт.

Олимпиаданын I этабы төмөнкү графикке ылайык онлайн режиминде өтөт:

• физика боюнча – 2024-жылдын 20-январында саат 14:00-17:00го чейин, 21-январда саат 10:00-13:00го чейин;
• биология боюнча – 2024-жылдын 20-январында саат 10:00-13:00го чейин, 21-январда саат 14:00-17:00го чейин;
• математика боюнча – 2024-жылдын 27-январында саат 14:00-18:00го чейин, 28-январда саат 09:00-13:00го чейин;
• информатика боюнча – 2024-жылдын 20-январында саат 10:00-13:00го чейин, 28-январда саат 14:00-17:00го чейин;
• химия боюнча – 2024-жылдын 3-февралында саат 10:00-13:00го чейин, 4-февралда саат 10:00-13:00го чейин;

Олимпиаданын II этабы төмөнкү графикке ылайык онлайн режиминде өтөт:

• информатика боюнча – 2024-жылдын 10-11-февралында саат 10:00-13:00го чейин;
• физика боюнча – 2024-жылдын 17-февралында саат 14:00-17:00го чейин, 18-февралда саат 10:00-13:00го чейин;
• биология боюнча – 2024-жылдын 17-февралында саат 10:00-13:00го чейин, 18-февралда саат 14:00-17:00го чейин;
• математика боюнча – 2024-жылдын 24-февралында саат 14:00-18:00го чейин, 25-февралда саат 09:00-13:00го чейин;
• химия боюнча – 2024-жылдын 24-февралында саат 10:00-13:00го чейин, 25-февралда саат 14:00-17:00го чейин.

Бөлүшүңүз