БАШТАЛГЫЧ КЕСИПТИК БИЛИМ БЕРҮҮ: 50% ТЕОРИЯ, 50% ПРАКТИКА

Автор: Маалыматтык саясат бөлүмү

18 Ноябрь 2022 ж. 17:44

Көрүлдү: 2848

Бүгүн, 18-ноябрда Башталгыч кесиптик билим берүүнүн 80 жылдыгына арналган мааракелик иш-чаранын алкагында “Кыргызстандагы башталгыч кесиптик жана орто кесиптик билим берүү системасы: жаңы чакырыктар, жаңы горизонттор” аталышында улуттук конференция өттү.

“Кесиптик лицейлерге дуалдык окутуу системасын киргизип жатабыз. Анткени 50% теория, 50% практика болушу керек. Эмгек рыногуна эрте чыгууну тездетүү үчүн 9дун базасында келип жаткан студенттердин окуу мөөнөтүн 3 жылдан 2 жылга кыскартууга жетиштик. Андан сырткары кесиптик лицейлерге финансылык эркиндикти берүү. Бул боюнча мыйзам Жогорку Кеңештин кароосуна кирүү алдында турат”, - деп билдирди Билим берүү жана илим министринин орун басары Расул Абазбек уулу.

Иш-чаранын жүрүшүндө кесиптик билим берүүнүн ишмердүүлүгү талкууланып, билим берүү мекемелеринин деңгээлинде мындан аркы аракеттер боюнча сунуштарды иштеп чыгуу үчүн пленардык сессиялар болду.

Пленардык сессиялар “Билим берүү траекториясы: жаңы колдонмолор жана ыкмалар”,  “Билим берүүнүн сапатын жогорулатуу үчүн финансылык туруктуулукка жетишүү механизмдери” жана “Кесиптик билим берүү системасын санариптештирүү жана билим берүү уюмдарын башкаруу” темаларын камтыды.

Бөлүшүңүз