Уюштуруу жана тарбиялоо иши боюнча сектору
Уюштуруу жана тарбиялоо иши боюнча сектору
“Ата-энелер мектеби” программасы ишке кирет

Көрүлдү: 1285

2022-жылдын 1-октябрынан баштап Кыргыз Республикасынын пилоттук мектепке чейинки билим берүү жана жалпы билим берүү уюмдарында “Ата-энелер мектеби” программасы этап-этабы менен киргизилет.

post.title

Бул ата-энелердин балдарды тарбиялоодогу жана аларга кам көрүүдөгү көндүмдөрүн жакшыртуу, жашы жете электер арасында укук бузуулардын алдын алуу максатында уюштурулат.

“Ата-энелер мектеби” программасын ишке ашыруу үчүн ар бир район, шаардан пилоттук негизде 5тен кем эмес бала бакча жана 10дон кем эмес мектеп тандалып алынып, бул программа апробациядан өтөт.

Пилоттук билим берүү уюмдарында апробациядан өткөндөн кийин “Ата-энелер мектеби” программасы сунуштардын жана сын-пикирлердин негизинде жеткире иштелип чыгып, мындан ары дагы жайылтылат.

“Ата-энелер мектеби” программасын киргизүүдө Кыргыз Республикасынын эмгек сиңирген мугалими, педагогика илимдеринин кандидаты Гапыр Мадаминов тарабынан иштелип чыккан “Ата-энелер мектеби” программасы колдонулат.

Программага ылайык пилоттук билим берүү уюмдарында ата-энелер айына бир жолудан кем эмес окуудан өтүп турушат. Окууларды программанын алкагында окуудан өткөн мугалимдер жана тарбиячылар өткөрөт.

Балдардын билим-тарбия сапатын жакшыртуу үчүн жалгыз мектептин, мугалимдердин ишмердүүлүгү аздык кылат. Ошондуктан бүгүнкү күндө ата-энелердин педагогикалык маданиятын өркүндөтүү маанилүү.

Бөлүшүңүз

Пайдалуу шилтемелер

Мамлекеттик сайттар жана порталдар