Сербия Республикасы «Сербия дүйнөсү» долбоорунун алкагында Кыргыз Республикасынын жарандары үчүн Сербиянын жогорку окуу жайларынан бир бюджеттик орун бөлүп берди.

Программа 2025/2026-окуу жылында серб тилин үйрөнүү үчүн бир жылдык даярдоо курсун жана 2026/2027-окуу жылында Сербия университеттеринде окууну камтыйт.

Стипендиялар жөнүндө маалыматты, анкетаны, факультеттердин тизмесин, медициналык справканын формасын (дарыгер тарабынан толтурулат), арыз берүү боюнча көрсөтмөнү жана «Сербия дүйнөсү» долбоору тууралуу кенен маалыматты төмөнкү сайттан көрүүгө болот: https://prosveta.gov.rs/skolski-i-studentski-zivot/stipendije/stipendije-srbije-stranim-studentima//stipendije-svet-u-srbiji/.

Документтерди жөнөтүү мөөнөтү 2025-жылдын 11-июлуна чейин узартылды жана төмөнкү электрондук почта аркылуу кабыл алынат: worldinserbia@prosveta.gov.rs.

Серб тилин үйрөнүүгө же Сербия Республикасынын жогорку окуу жайларына тапшырууга кызыккан Кыргыз Республикасынын жарандары документтерин андан ары жөнөтүү үчүн Кыргыз Республикасынын Билим берүү жана илим министрлигине кайрыла алышат. Байланыш телефону: 0312 66 21 98.