УЛУТТУК АККРЕДИТАЦИЯЛЫК КЕҢЕШТИН КУРАМЫНА МҮЧӨЛӨРДҮ КИРГИЗҮҮ ҮЧҮН АЧЫК КОНКУРС

Кыргыз Республикасынын Билим берүү жана илим министрлиги Улуттук аккредитациялык кеңештин курамына мүчөлөрдү киргизүү үчүн төмөнкү орундарга ачык конкурс жарыялайт:

• кесиптик жогорку билим берүү уюмдарынын ассоциацияларынын өкүлү – 1 орун;
• иш берүүчүлөр ассоциацияларынын өкүлү – 1 орун;
• коомдук институттардын өкүлү – 1 орун.

Конкурска катышуучуга коюлуучу талаптар:

- Кыргыз Республикасынын жараны;

- мамлекеттик тилди билүү;

- жогорку кесиптик билими бар. 

          Иш тажрыйбасы:

• билим берүү уюмдарынын ассоциацияларынын өкүлдөрү үчүн билим берүү чөйрөсүндө 10 жылдан кем эмес иш тажрыйбасы;
• иш берүүчүлөрдүн ассоциацияларынын жана коомдук институттардын өкүлдөрү үчүн кесиптик уюмдарда же тармактык структураларда 5 жылдан кем эмес иш тажрыйбасы.

Конкурстук тандоого төмөнкүлөр катыша албайт:

- аккредитациялык агенттиктин уюштуруучулары;

- аккредитациялык агенттикте кандайдыр бир ишти жүзөгө ашыруучу киши;

- аккредитациялык агенттиктердин администрациясы жана кызматкерлери менен жакын туугандык мамилелери бар киши;

- билим берүү уюмунун жетекчиси.

Конкурстук тандоого катышуу үчүн төмөнкү документтер тапшырылат:

-   арыз;

- резюме;

- паспорттун, билими тууралуу дипломдун жана эмгек китепчесинин көчүрмөлөрү;

- иш берүүчүлөрдүн ассоциацияларынын, билим берүү уюмдарынын ассоциацияларынын жана коомдук институттардын жетекчилеринин сунуштамасы.

Конкурстун катышуучусу арызды жана ага тиркелген документтерди мамлекеттик тилде төмөнкү электрондук почта аркылуу 1 документ катары PDF форматта жөнөтөт:

minedukg@gmail.com; edu@mail.gov.kg; 

http://www.kattar.kg/ru/treatment-of-citizens.html;   

https://portal.tunduk.kg .

Документтерди кабыл алуу мөөнөтү: 2025-жылдын 30-апрели саат 9:00дон тартып 2025-жылдын 23-майы саат 14.00 чейин.

Байланыш телефону: (0312) 66-22-87; 0705155844

Чалуу жумуш күндөрү саат 9:00 – 18:00 чейин.

Арыздын формасы