Кыргыз Республикасынын Билим берүү жана илим министрлиги КР БИМдин эксперттик кеңешинин мүчөлүгүнө талапкерлерди тандоо боюнча сынак жарыялайт

Илимий жана илимий-техникалык кызматкерлер, адистер, илимий жана илимий-техникалык уюмдардын өкүлдөрү, ошондой эле мамлекеттик жана коомдук уюмдардын, анын ичинде чет өлкөлүк уюмдардын өкүлдөрү тартылат.

КР БИМдин эксперттик кеңештеринин (ЭС) милдеттери болуп төмөнкүлөр саналат:

- мамлекеттик заказ боюнча түзүлүүчү, республикалык бюджеттен каржылануучу илимий долбоорлордун жана программалардын конкурстук табыштамаларына объективдүү эксперттик баа берүү;

- конкурстук табыштамаларды экспертизалоодо бирдиктүү талаптардын ишке ашырылышын камсыздоо;

- илимий долбоорлордун аткарылышы боюнча отчетторду угуу жана баалоо;

- илимий долбоорлорду ишке ашырууга мониторинг жүргүзүү жана аткаруунун натыйжаларын талдоо.

ЭС илим чөйрөсүндөгү ыйгарым укуктуу мамлекеттик орган (Билим берүү жана илим министрлиги) тарабынан төмөндөгү илимдин багыттары боюнча 5-7 адамдан түзүлөт:

- медициналык;

- айыл-чарба;

- социалдык-гуманитардык;

- табигый-илимий;

- техникалык.

ЭС мүчөлүгүнө талапкер тиешелүү багыт боюнча жогорку квалификациялуу адис жана төмөнкүлөргө ээ болушу керек:

- илимдин тиешелүү багыттары боюнча илимий даражага жана наамга;

- илимий долбоорлордун өтүнмөлөрүнө экспертиза жүргүзүүгө катышуу тажрыйбасы;

- илимий-изилдөө иштерин (2ден кем эмес) оппонирлөө жана рецензиялоо боюнча иш тажрыйбасы;

- акыркы 5 жылдын ичинде эл аралык системалары тарабынан индекстелген “Scopus”, “Web of Science” же РИНЦ илимий журналдарда жарыяланган, нөлдүк эмес импакт-фактор менен 2 кем эмес макалалар;

- илимий, кесиптик жана эксперттик жамааттарга мүчө болуу;

- башка эксперттердин сунуштары.

ЭС мүчөлүгүнө талапкер төмөнкү документтерди кагаз түрүндө КР БИМге (213 каб.) тапшыруусу керек:

- электрондук дарегин жана мобилдик телефондун байланыш номерин көрсөтүү менен эркин формадагы арыз;

- окумуштуулук даражасы/наамы жөнүндө документтин көчүрмөсү;

- акыркы 5 жылдагы макалалардын тизмеси;

- иштеген жеринен эки рекомендация;

- кандидаттык жана доктордук диссертацияларды оппозирлөө жана рецензиялоо боюнча иштер жөнүндө тиешелүү чөйрөдөгү алдыңкы окумуштуулардын пикирлери;

- паспорттун көчүрмөсү.

Документтер үстүбүздөгү жылдын 18-сентябрынан 2-октябрына чейин кабыл алынат.

Кошумча маалымат үчүн 620494, 0772 608004 телефондору боюнча кайрылсаңыздар болот